Maktab o‘quvchilariga dutor ijrochilik mexanizmini takomillashtirish metodi

O‘zbek xalq cholg‘ulari musiqaning barcha tarmoqlariga mos shakllanib, asrlar osha rivojlanib kelgan. O‘zbek milliy cholg‘ularida ijrochilik tarixini o‘rganishda o‘rta asrlar musiqa ilmiga oid asarlar asosiy manbalardan hisoblanadi. Milliy cholg‘ularimizning tarixiy jarayonini bilish aynan o‘sha davrda yashab ijod qilgan olimlarning asarlarida keltirilgan. Ana shunday qadimiy-tarixiy cholg‘u sozlaridan biri bu dutor cholg‘usidir. Dutor cholg‘usi xususidagi dastlabki ma’lumotlarni Mavlono Zaynulobidin al Xusayniyning Alisher Navoiyga bag‘ishlangan "Musiqiy ilm va amaliyot qonuni" risolasida uchratamiz. XV asrning ikkinchi yarmida bitilgan bu risolada o‘sha zamonda kvarta intervali oralig‘ida sozlanuvchi, o‘n bir pardaga ega bo‘lgan dutor tavsiflanadi.