Musiqa ta’limida integratsiyalashgan yondashuvning didaktik asoslari

Ta’lim jarayonini takomillashtirish va o‘quvchilarning ijodiy salohiyatini rivojlantirishda integratsiyalashgan yondashuv muhim ahamiyat kasb etmoqda. Ayniqsa, musiqa ta’limida mazkur yondashuvni qo‘llash nafaqat fanlararo bog‘lanishni kuchaytiradi, balki o‘quvchilarning musiqiy dunyoqarashini kengaytirishga xizmat qiladi. Integratsiyalashgan yondashuv bu turli fanlar va sohalarni birlashtirgan holda ta’lim berish jarayonidir. Musiqa ta’limida bu yondashuv boshqa fanlar bilan o‘zaro aloqadorlikni ta’minlash, turli bilim sohalarining bir-birini to‘ldirishiga imkon yaratadi. Ushbu bog‘liqlik o‘quvchilarning dunyoqarashini kengaytirish, tanqidiy fikrlash qobiliyatini rivojlantirish hamda estetik hissiyotlarini boyitishda muhimdir. Кalit so‘zlar: didaktik tamoyillar, yaxlitlik, izchillik, faollik, hayotiylik tamoyili, integratsiyalashgan yondashuv, fanlararo bog‘lanish, musiqa ta’limi