UMAR SA’DUDDIN TAFTAZONIYNING IJODIY FAOLIYATI VA UNGA TA’SIR QILGAN OMILLAR

Biror olimning hayoti va faoliyatini o‘rganishda u yashagan davrda jamiyatdagi siyosiy, ijtimoiy va ilmiy holatga to‘xtalib o‘tish muhim hisoblanadi. Chunki, shaxsning olim bo‘lib shakllanishida u yashagan zamon muhiti alohida ahamiyatga ega. Jumladan, Sa'duddin Taftazoniyning hayoti va faoliyatini batafsil yoritish, u yashagan davrga to‘xtalib o‘tishni taqazo etadi. Shuningdek, olim yashagan davrni o‘rganish o‘sha davr jamiyatida islom dini va olimlarining o‘rni va mavqeini, davlat va din munosabatlari haqida to‘la tasavvur hosil qilishga asos bo‘ladi.