МАКТАБГАЧА ЁШДАГИ БОЛАЛАРНИНГ НУТҚИЙ РИВОЖЛАНИШИ ВА УНИ ШАКЛЛАНТИРИШНИНГ ПЕДАГОГИК АСОСЛАРИ

Мазкур мақолада мактабгача ёшдаги болаларда нутқнинг шаклланиши, унинг ривожланиш жараёни ва ижтимоий аҳамияти таҳлил қилинган. Нутқ боланинг когнитив ривожланиши ва ижтимоий муносабатларида муҳим ўрин тутиши қайд этилган. Болаларда нутқ босқичма-босқич шаклланиб, бир ёшдан бошлаб мураккаб тил бирликлари ва грамматик тузилмалар ўзлаштирилади. Тадқиқотда боланинг тил ўрганишдаги тақлидчилик хусусияти, оила ва боғча муҳитидаги мулоқотнинг роли ҳамда ҳис-ҳаяжонларга бой экспрессив нутқни ривожлантириш аҳамияти кўрсатилган. Боланинг ёши ўтган сари луғат бойлиги кенгайиши, грамматик тузилмаларни ўзлаштириши ва сўзларнинг маъноларини тўғри англаши каби жараёнлар изчил тавсифланган.