Xorazm maqomlarini o‘qitishda an’anaviy va zamonaviy metodlar

Ushbu maqolada Xorazm maqomlari san’ati, uning an’anaviy shakllari va ta’lim muhitida - xususan dars jarayonida - zamonaviy metodlar bilan uyg’unlashtirib o’qitish usullari ko‘rib chiqiladi. Maqolada Xorazm maqomlarining tarixi, nazariy-ijrochilik xususiyatlari, pedagogik ta’limdagi muammolari, an’anaviy metodlar hamda zamonaviy metodlarning qo‘llanilishi haqida ilmiy manbalar asosida tahlillar keltiriladi. Xorazm musiqiy makoni o‘zining boy madaniy merosi bilan ajralib turadi. Xususan, Xorazm vohasida shakllangan maqom san’ati - xalq musiqasi bilan nazariy-ijrochilik yondashuvlarining birlashuvi - ta’lim jarayonida katta imkoniyatlar ochib beradi. Musiqa ta’limida an’anaviy metodlar bilan bir qatorda zamonaviy pedagogik va texnologik usullarni jalb qilish o‘quvchilarning musiqiy savodxonligini oshirishga, musiqaga qiziqishini uyg‘otishga xizmat qiladi.