Texnikumlarda ingliz tilini o‘qitishda innovatsion metodlarni qo‘llash

Kirish: Maqolada ingliz tilini o‘qitishning turli usullari yoritilgan, shuningdek, talabalarni ingliz tilida muloqot qilishga o‘rgatishning innovatsion usullaridan foydalanish tavsiflangan. Guruh munozaralari, rolli o‘yinlar, aqliy hujum va boshqalar kabi yangi usullar talabalarga ingliz tilida muloqot qilish jarayonida ishonchni oshirishga yordam beradi. Maqsad: O‘quvchilarning kommunikativ kompetensiyasini rivojlantirish, kasbiy yo‘nalishga mos amaliy til ko‘nikmalarini shakllantirish va o‘quv jarayonining samaradorligini zamonaviy texnologiyalar orqali oshirishdir. Materiallar va metodlar: Texnikumlarda ingliz tilini o‘qitish jarayoni bugungi kunda zamonaviy ta’lim talablari asosida tashkil etilmoqda. O‘quvchilarning kasbiy faoliyatida ingliz tilidan erkin foydalanishi uchun an’anaviy yondashuvlar bilan birga innovatsion metodlar (Kommunikativ yondashuv, Vazifaga asoslangan ta’lim, Aksincha sinf modeli, Aralash ta’lim, O‘yinlashtirish, Loyiha asosida ta’lim va b.) keng qo‘llanilmoqda. Xulosa: Texnikumlarda ingliz tilini o‘qitishda innovatsion metodlarni qo‘llash o‘quvchilarning kasbiy kompetensiyasini rivojlantirishda muhim ahamiyatga ega. CLIL, PBL, Flipped Classroom, gamifikatsiya, AKT platformalari, role-play va case-study yondashuvlari orqali darslar yanada qiziqarli, interaktiv va amaliy ko‘rinishga ega bo‘ladi. Bu esa texnikum bitiruvchilarining global mehnat bozorida raqobatbardosh bo‘lishiga xizmat qiladi.