Maktab o‘quvchilarida milliy torli cholg‘u ko‘nikmalarini shakllantirishga yo‘naltirilgan innovatsion o‘qitish metodlarini tahliliy o‘rganish

Ushbu ilmiy tadqiqot maktab o‘quvchilarida milliy torli cholg‘u ko‘nikmalarini shakllantirishda innovatsion o‘qitish metodlarining pedagogik samaradorligini tahliliy o‘rganishga bag‘ishlangan. Tadqiqotda milliy musiqa ta’limining zamonaviy ta’lim paradigmasidagi o‘rni, torli cholg‘ularni o‘qitishning nazariy-metodik asoslari hamda an’anaviy va innovatsion yondashuvlar o‘rtasidagi farqlar ilmiy asosda tahlil qilinadi. Interfaol metodlar, axborot-kommunikatsiya texnologiyalari, kompetensiyaviy va shaxsga yo‘naltirilgan ta’lim modellarining maktab o‘quvchilarida ijrochilik ko‘nikmalarini shakllantirishdagi ahamiyati ochib beriladi. Tadqiqot natijalari milliy torli cholg‘u ta’limini takomillashtirish, o‘quvchilarning musiqiy madaniyati va ijodiy salohiyatini rivojlantirishga xizmat qiluvchi metodik tavsiyalar ishlab chiqishga yo‘naltirilgan.