Milliy cholg‘u merosini maktab o‘quvchilariga yetkazishda ustoz-shogird an’analarini qo‘llashning zamonaviy pedagogik asoslari tahlili

Mazkur ilmiy tadqiqot milliy cholg‘u merosini maktab o‘quvchilariga yetkazishda ustoz-shogird an’analarini zamonaviy pedagogik yondashuvlar asosida qo‘llash masalalarini tahliliy o‘rganishga bag‘ishlangan. Tadqiqotda xalq musiqa merosining ta’lim-tarbiyadagi o‘rni, ustoz-shogird tizimining tarixiy-pedagogik ildizlari hamda uni hozirgi umumta’lim maktablari sharoitida samarali joriy etish imkoniyatlari ilmiy asosda yoritiladi. Shuningdek, shaxsga yo‘naltirilgan, kompetensiyaviy va integrativ ta’lim yondashuvlari ustoz-shogird an’anasi bilan uyg‘unlikda tahlil qilinadi. Tadqiqot natijalari milliy cholg‘u merosini yosh avlod ongiga singdirish, o‘quvchilarning musiqiy madaniyati, ijrochilik ko‘nikmalari va ma’naviy-axloqiy sifatlarini rivojlantirishda ustoz-shogird an’anasining pedagogik samaradorligini asoslab beradi.