Puflama cholg‘ularni o‘qitishda nazariy yondashuvlar (BMSM misolida)

Mazkur ilmiy ishda Bolalar musiqa va san’at maktablarida (BMSM) puflama cholg‘ularni o‘qitish jarayonida qo‘llaniladigan nazariy yondashuvlar va didaktik tamoyillar ilmiy asosda tahlil qilinadi. Tadqiqotda musiqiy ta’lim nazariyasiga oid zamonaviy qarashlar, umumdidaktik va maxsus musiqa didaktik tamoyillarining mazmuni ochib beriladi. Puflama cholg‘ularni o‘qitishda onglilik va faollik, izchillik va tizimlilik, nazariya va amaliyot birligi, individual yondashuv hamda ko‘rgazmalilik tamoyillarining ahamiyati ilmiy faktlar asosida yoritiladi. Shuningdek, o‘quvchilarning yosh, fiziologik va psixologik xususiyatlarini hisobga olgan holda ta’lim jarayonini tashkil etish masalalari keng yoritilgan. Ish natijalari BMSM o‘qituvchilari, musiqa pedagoglari va metodistlar uchun nazariy hamda amaliy ahamiyatga ega.