O‘zbek zarbli cholg‘ulari ta’limida og‘zaki an’analar va yozma manbalar integratsiyasi

Ushbu maqolada O‘zbekiston milliy zarbli cholg‘ulari ta’limida og‘zaki an’analar va yozma manbalarni integratsiya qilish masalalari ilmiy-nazariy jihatdan tahlil qilinadi. Tadqiqot milliy musiqa pedagogikasining tarixiy ildizlari, ustoz-shogird tizimi va madaniy merosni uzluksiz saqlashdagi rolini yoritadi. Og‘zaki an’analar shogirdlarni texnik va ritmik ko‘nikmalar bilan tanishtirsa, yozma manbalar pedagogik jarayonni tizimlashtirish va ilmiy asoslash imkonini beradi. Maqolada metodik yondashuvlar, interfaol mashg‘ulotlar, ansambl ijrochiligi va zamonaviy pedagogik vositalar orqali og‘zaki va yozma manbalarni uyg‘unlashtirishning samaradorligi tahlil qilinadi. Tadqiqot natijalari milliy cholg‘ular pedagogikasini takomillashtirish, yosh ijrochilarning ijodiy va texnik ko‘nikmalarini rivojlantirish hamda milliy musiqa merosini saqlashda muhim ahamiyatga ega ekanligini ko‘rsatadi.