Kredit-modul tizimida musiqiy fanlardan mustaqil ta’limni tashkil etish va uni o‘qitish samaradorligini oshirish metodikasi

Mazkur maqolada oliy ta’lim muassasalarida bosqichma-bosqich joriy etilayotgan kredit-modul tizimi sharoitida musiqiy fanlardan mustaqil ta’lim faoliyatini tashkil etish, uni rejalashtirish va natijalarini baholash masalalari ilmiy-nazariy hamda ijodiy-pedagogik yondashuv asosida yoritiladi. Tadqiqotda musiqiy ta’lim jarayonining o‘ziga xos jihatlari, xususan, ijrochilik amaliyoti, eshitish qobiliyati, tahliliy tafakkur, ijodiy fikrlash va reflektiv faoliyat omillari hisobga olingan holda mustaqil ta’lim samaradorligini oshirishga xizmat qiluvchi metodik mexanizmlar asoslab beriladi. Kredit-modul tizimi doirasida talabaning o‘quv yuklamasi, mustaqil o‘rganish faoliyati, raqamli pedagogik vositalar, refleksiv baholash va kompetensiyaviy yondashuvning o‘zaro uyg‘unlashuvi asosida musiqiy fanlarni o‘qitishning zamonaviy modeli tavsiflanadi.