Rangtasvir darslarida talabalarning mustaqil ijodiy faoliyatini rivojlantirishda master-klass metodining tutgan o‘rni

Ushbu maqolada rangtasvir darslarida talabalarning mustaqil ijodiy faoliyatini rivojlantirishda master-klass metodining o‘rni yoritilgan. Master-klassning ta’lim jarayonidagi vazifalari, uning talabalarda amaliy ko‘nikma, kuzatuvchanlik, badiiy tafakkur va o‘z ishiga tanqidiy yondashuvni shakllantirishdagi ahamiyati tahlil etilgan. Shuningdek, mazkur metod orqali rang, shakl, yorug‘lik, kompozitsion yechim kabi tasviriy san’at unsurlarini o‘rgatishning samarali jihatlari ko‘rsatib berilgan. Tadqiqot natijalariga ko‘ra, master-klass mashg‘ulotlari talabaning ijodiy izlanishga bo‘lgan qiziqishini oshirishi, mustaqil ishlarni tashkil etish jarayonini yengillashtirishi va o‘ziga xos badiiy tajriba orttirishiga xizmat qilishi aniqlangan. Maqola mazmuni rangtasvir fanini o‘qitishda amaliy mashg‘ulotlar sifatini oshirish hamda talabalarning mustaqil ijodiy rivojlanishini ta’minlash uchun muhim ilmiy-pedagogik tavsiyalarni o‘z ichiga oladi.