Bolalar musiqa maktabi o‘quvchilarida xalq musiqasi asosida estetik tarbiyani shakllantirish

Ushbu maqolada bolalar musiqa maktabi o‘quvchilarida xalq musiqasi asosida estetik tarbiyani shakllantirish masalalari yoritilgan. Xalq musiqasi milliy madaniyatning ajralmas qismi bo‘lib, yosh avlodning badiiy didini rivojlantirishda muhim ahamiyat kasb etadi. Maqolada estetik tarbiya tushunchasi, uning pedagogik mohiyati hamda musiqa ta’limidagi o‘rni tahlil qilingan. Shuningdek, xalq musiqasi janrlarining bolalar ruhiyati va hissiy dunyosiga ta’siri ilmiy asosda ko‘rib chiqilgan. Tadqiqot davomida bolalar musiqa maktablarida xalq musiqasidan foydalanishning samarali shakl va usullari yoritilib, amaliy tavsiyalar berilgan. Xalq kuy-qo‘shiqlari orqali o‘quvchilarda milliy o‘zlikni anglash, estetik did va ijodiy tafakkurni rivojlantirish imkoniyatlari asoslab berilgan. Maqola musiqa pedagoglari, talabalar hamda estetik tarbiya masalalariga qiziquvchilar uchun mo‘ljallangan.