НОМОДДИЙ МАДАНИЙ МЕРОС: КАТТА АШУЛА Орол Абдуманнонович Сафаров Ўзбекистон давлат санъат ва маданият институти

Ҳар бир халқнинг ўз номоддий маданий мероси мавжуд бўлиб, уларни асраб авайлаш, давомийлиги ва яшовчанлигини таъминлаш ўша халқнинг зиммасига улкан масъулиятни юклайди. Ўзбек халқининг ҳам бир қатор ана шундай мерослари мавжуд бўлиб, уларнинг кўп қисми ЮНЕСКО томонидан инсониятнинг номоддий маданий меросининг репрезентатив рўйҳатига киритилган. Шулардан бири жуда қадимий ва бетакрор санъат тури бўлган Катта ашуладир. Ушбу мақолада, ЮНЕСКОнинг инсониятнинг номоддий маданий меросининг репрезентатив рўйҳати ва унга киритилган катта ашула жанрининг муҳим жиҳатлари ҳақида маълумотлар берилади.