Sudlar tomonidan xodimlar mehnat huquqlarining himoya qilinishi

Ushbu maqolada O‘zbekiston Respublikasi sud tizimi orqali xodimlarning mehnat huquqlarini himoya qilishning huquqiy asoslari, amaliy mexanizmlari va mavjud muammolari tahlil qilinadi. Xususan, yakka mehnat nizolarini ko‘rib chiqish tartibi, sudlarning vakolatlari, ish beruvchilar va xodimlar o‘rtasidagi huquqiy munosabatlarda sudlarning roli yoritiladi. Shuningdek, xalqaro mehnat standardlari va milliy qonunchilik o‘rtasidagi uyg‘unlik, sud qarorlarining adolat va qonuniylik tamoyillariga muvofiqligi muhokama qilinadi. Maqolada xodimlarning huquqiy savodxonligini oshirish, sud orqali huquqlarni tiklash mexanizmlarini takomillashtirish bo‘yicha takliflar ilgari suriladi.