Natijaga yo‘naltirilgan byudjetning joriy etilishi va uning samaradorligi

Ushbu maqolada O‘zbekiston Respublikasida natijaga yo‘naltirilgan byudjetlashtirish (NYB) tizimini joriy etishning holati, dolzarb muammolari va ularni bartaraf etish yo‘llari tahlil qilingan. NYB yondashuvi byudjet mablag‘larini samarali rejalashtirish, ochiqlikni ta’minlash va ijtimoiy-iqtisodiy natijalarga erishish imkonini beradi. Maqolada mazkur tizimni amaliyotga tatbiq etishda indikatorlar tizimining zaifligi, moliyaviy nazorat mexanizmlarining yetarli emasligi, mahalliy byudjetlarning markaziy transfertlarga bog‘liqligi kabi tizimli muammolar ochib berilgan. Xulosa sifatida, NYB tizimini to‘laqonli joriy etish uchun institutsional islohotlar, strategik rejalashtirish va samarali monitoring mexanizmlarini kuchaytirish zarurligi ta’kidlangan.