O‘quvchilarda ijodiy fikrlashni rivojlantirishda fortepiano asarlarini tanlashning didaktik asoslari

Mazkur maqolada o‘quvchilarning ijodiy fikrlashini rivojlantirishda fortepiano asarlarini to‘g‘ri tanlashning ahamiyati, bu tanlovning didaktik tamoyillari va musiqa pedagogikasidagi o‘rni yoritilgan. Fortepiano ijrochiligi orqali bolalarda nafaqat texnik ko‘nikmalar, balki estetik did, musiqiy tafakkur, emotsional sezgirlik va mustaqil mushohada qilish qobiliyati shakllanadi. Asar tanlashda yosh, daraja, shaxsiy qiziqishlar, asarning mazmuni va pedagogik maqsadlarni hisobga olish zarurligi asoslab berilgan. Tadqiqotda musiqa ta'limi jarayonida ijodiy fikrlashga yo‘naltirilgan yondashuvlar, musiqiy nutqni rivojlantirish va interpretatsiya ko‘nikmalarini shakllantirish vositasi sifatida fortepiano asarlarining roli o‘rganiladi.