Milliy vokal ijrochiligini talabalarga o‘rgatishda audio-video tahlil texnikalari

Mazkur maqolada milliy vokal ijrochiligini talabalarga o‘rgatishda audio-video tahlil texnikalaridan foydalanishning nazariy va metodik asoslari ilmiy jihatdan tahlil qilinadi. Tadqiqotda audio-video materiallarning vokal texnikani shakllantirish, ijro madaniyati, eshitish tafakkuri va ijodiy interpretatsiyani rivojlantirishdagi ahamiyati ochib beriladi. Milliy vokal ijrochiligi namunalarini tahlil qilish orqali talabalar ovoz imkoniyatlari, milliy ohangdorlik, intonatsiya va ifoda vositalarini chuqurroq anglash imkoniga ega bo‘lishi asoslanadi. Maqolada audio-video tahlilning taqqoslash, refleksiya, modellashtirish va kompetensiyaga asoslangan metodlar bilan uyg‘unligi yoritiladi. Tadqiqot natijalari shuni ko‘rsatadiki, audio-video tahlil texnikalari milliy vokal ijrochiligini o‘rgatishda ta’lim samaradorligini oshiradi, talabalarning mustaqil fikrlashi va ijodiy salohiyatini rivojlantirishga xizmat qiladi.