Zamonaviy ingliz tilida transformatsiya va nominatsiya jarayonlarining nazariy asoslari

Mazkur maqolada zamonaviy ingliz tilida transformatsiya va nominatsiya jarayonlarining nazariy asoslari tahlil qilinadi. Tilning dinamik tizim sifatidagi tabiati nuqtai nazaridan transformatsiya struktur, leksik va semantik o‘zgarish jarayoni sifatida, nominatsiya esa voqelikni nomlash va yangi lingvistik birliklarni shakllantirish mexanizmi sifatida talqin etiladi. Tadqiqotda transformatsiya va nominatsiya o‘rtasidagi o‘zaro bog‘liqlik, ularning semantik siljishlar hosil qilishdagi roli hamda zamonaviy ingliz diskursida namoyon bo‘lish shakllari ko‘rib chiqiladi. Shuningdek, maqolada transformatsiya va nominatsiyaning media, ilmiy-texnologik hamda raqamli kommunikatsiya muhitidagi funksional xususiyatlari tahlil qilinadi.