К.Жусуповдун публицистикаларынын агартуучулук мүнөзү

К.Жусуповдун чыгармачылыгында агартуу иштерине көңүл буруу аракети ХХ кылымдын 60-жылдарынан башталгандыгын байкоого болот. Алгач социалисттик турмуш менен кыргыз элинде тамырын толук кыркып бүтө элек айырмачылыкты, адеп-ахлактуулук касиеттери боюнча окшоштуктары менен бөтөнчөлүктөрүн, тоолуктардын нравалык түшүнүктөрүн, сый-урмат көрсөткөн салт-санаасын, үрп-адатын, көчмөн цивилизациядан сакталып келе жаткан ыйман-ынсабын, кандай оор кыйынчылык болсо да жеңе билген эркин, туруктуулугун өзү көрүп билген автографиялык мүнөзгө ээ эсселеринде улам толуктап келе жаткан публицисттин чыгармаларына токтолуп өттүк. Бул макалада унут болуп бара жаткан этикалык жана эстетикалык аруулукту кийинки муунга билинтип-билгизбей жеткирип, калк жыйган рухий баалуулуктарды тике жана кыйыр формасында тааныштырып, агартуу иштерин жүргүзүп келе жаткан эмгектери каралды.