ડો. બાબાસાહેબ આંબેડકરનું જીવન ધડતર

દેશની આઝાદી માટે અગ્રહરોળના નેતાઓ થી લઈ ને દુર ગામડાના સામાન્ય વર્ગના વ્યક્તિઓએ પણ પોતાનું યોગદાન આપ્યુ છે. આ સર્વ લોકોએ દેશની આઝાદી માટે પોતાનું જીવન વ્યતિત કર્યુ. આ નેતાઓમાં જેમને ભારતના મનુ ના નામથી ઓળખવામાં આવે છે, તેવા બાબાસાહેબ આંબેડકરે પોતાનું જીવન દેશની આઝાદી અને સમાજના નિચલા સ્તરના લોકોમાટે સમર્પિત કર્યુ. કોઈ પણ વ્યક્તિ ઉચ્ચપદ પામે છે, તો તેની પાછળ તેને ધડનારા પરિબળો હોય છે. જેમ એક કુંભાર પોતાની નાનીનાની થપાટો દ્રારા એક મજબુત માટલું તૈયાર કરે છે. તેમ મહામાનવ તરીકે ઓળખાતા બાબાસાહેબના જીવનને ધડવામાં તેમના પિતા, માતા, ગુરુ, મોટાભાઈ, પત્ની, શિક્ષકો, રાજ્ય વગેરે તરફથી આર્દશો, સંસ્કાર, આર્થિક સહાય મળતા તેઓ આ પદને પામી શક્યા.