Akademik qo‘shiqchilik ko‘nikmalarini shakllantirishda vokal qo‘shiqchiligini o‘rgatishda qo‘llaniladigan metodlar va usullar

O‘zbek madaniyatining tarixiy tajribasi asosida shakllangan o‘zbek musiqa ta’limi an’analari bugungi kunda o‘ziga xos ijtimoiy-madaniy xususiyatlarga ega bo‘lmoqda. Har bir yangi avlod hayotida yangilanib turadigan bu an’analar ma’naviy-axloqiy qadriyatlar majmui, xalqning madaniy universalligi bo‘lib, o‘zbek ta’limining yashash tarzini, uning ijtimoiy-madaniy faoliyati usullarini ifodalaydi, vokal qo‘shiqchiligini o‘rgatishda turli metod va usullar qo‘llaniladi. Vokal qo‘shiqchiligini o‘rgatish murakkab jarayon bo‘lib, unda nafaqat texnik, balki hissiy va ijodiy jihatlar ham e’tiborga olinadi. Vokal o‘qitish metodlari talabalar ovozini to‘g‘ri shakllantirish, nafas olish texnikasi, intonatsiya va emotsional ifodani rivojlantirishga qaratilgan.