Tub va murakkab sonlar hamda ularga oid masalalarni yechish metodlari

Ushbu maqolada tub va murakkab sonlar tushunchalari, ularning asosiy xossalari hamda amaliy masalalardagi o‘rni yoritilgan. Tub sonlar - faqat birga va o‘ziga bo‘linuvchi natural sonlar sifatida, murakkab sonlar esa bundan farqli holda bir nechta bo‘luvchilarga ega sonlar sifatida tavsiflanadi. Maqolada tub sonlarni aniqlash usullari, shu jumladan, Eratosfen g‘alviridan foydalanish, sonlarni tub ko‘paytuvchilarga ajratish algoritmlari, ularning nazariy va amaliy qo‘llanilishi tahlil qilinadi. Shuningdek, mavzu doirasida turli masalalarni yechish metodikasi va matematik mantiq asosida yondashuvlar keltirilgan. Maqola umumiy o‘rta ta’lim o‘quvchilari va oliy ta’lim muassasalari talabalari hamda matematikaga qiziquvchilar uchun foydali bo‘lishi mumkin.