Uzluksiz ta’lim tizimida milliy zarbli cholg‘ular o‘qitish metodologiyasi

Mazkur ilmiy ish “Uzluksiz ta’lim tizimida milliy zarbli cholg‘ularni o‘qitish metodologiyasi” mavzusiga bag‘ishlanib, unda O‘zbekiston ta’lim tizimining barcha bosqichlarida milliy zarbli cholg‘ularni o‘rgatishning nazariy va amaliy jihatlari yoritiladi. Tadqiqotda maktabgacha ta’limdan boshlab oliy ta’limgacha bo‘lgan uzluksiz ta’lim jarayonida zarbli cholg‘ularni o‘qitishning didaktik tamoyillari, metodlari va shakllari ilmiy asosda tahlil qilinadi. Annotatsiyada milliy zarbli cholg‘ular - doira, nog‘ora, qayroq, safoil va boshqa asboblarning musiqa ta’limidagi o‘rni, ularning yosh avlodning musiqiy-estetik didini shakllantirishdagi ahamiyati ochib beriladi.