BMSMda puflama cholg‘ular bo‘yicha ta’lim jarayonining nazariy asoslari

Mazkur ilmiy ishda Bolalar musiqa va san’at maktablarida (BMSM) puflama cholg‘ular bo‘yicha ta’lim jarayonining nazariy asoslari keng qamrovda tahlil qilinadi. Tadqiqotda musiqa ta’limi nazariyasiga oid fundamental qarashlar, pedagogik va didaktik tamoyillar, o‘quvchilarning yosh, psixologik va fiziologik xususiyatlari asosida puflama cholg‘ularni o‘qitishning ilmiy poydevori yoritiladi. Ta’lim jarayonida onglilik va faollik, izchillik va tizimlilik, nazariya va amaliyot birligi, individual yondashuv, ko‘rgazmalilik hamda tarbiyaviy yo‘naltirilganlik kabi didaktik tamoyillarning mazmun-mohiyati va ularning puflama cholg‘ularni o‘rgatishdagi ahamiyati ilmiy faktlar asosida asoslab beriladi. Ish natijalari BMSM o‘qituvchilari, musiqa pedagoglari va metodistlar uchun nazariy hamda amaliy ahamiyatga ega bo‘lib, musiqa ta’limi jarayonini takomillashtirishga xizmat qiladi.