Musiqa ta’limi yo‘nalishi talabalarida ritmik kompetensiyani rivojlantirishning metodik asoslari

Mazkur maqolada musiqa ta’limi yo‘nalishida tahsil olayotgan talabalarda ritmik kompetensiyani shakllantirish va rivojlantirish masalalari zamonaviy pedagogik, psixologik hamda metodik yondashuvlar nuqtai nazaridan tahlil etiladi. Tadqiqot jarayonida ritm tushunchasining musiqiy tafakkur, ijrochilik madaniyati hamda pedagogik faoliyat tizimidagi funksional o‘rni yoritilib, ritmik kompetensiyaning shakllanishi murakkab, ko‘p bosqichli va integrativ pedagogik jarayon sifatida talqin qilinadi. Ritmik sezgi, vaqtni anglash, harakat va eshitish koordinatsiyasi, tahliliy idrok hamda ijodiy faoliyat uyg‘unligi asosida ritmik kompetensiyaning rivojlanish mexanizmlari ilmiy jihatdan asoslanadi.