Organik dehqonchilik tizimi tarkibiy qismlarining o‘simliklar sifatiga tasirini baholash

Ushbu maqolada organik dehqonchilik tizimining asosiy tarkibiy qismlari va ularning o‘simliklar sifatiga ta’siri ilmiy jihatdan tahlil qilinadi. Tadqiqotda tuproq unumdorligini biologik usulda saqlash, kimyoviy o‘g‘it va pestitsidlardan voz kechish, ekin almashinuvi, biologik o‘g‘itlar hamda mikroorganizmlar faoliyatidan foydalanish, shuningdek ekologik agrotexnik tadbirlarning o‘simliklarning oziqaviy qiymati, xavfsizlik darajasi va organoleptik xususiyatlariga ta’siri yoritilgan. Tahlil natijalari shuni ko‘rsatadiki, organik dehqonchilik tizimi o‘simlik mahsulotlarida nitratlar va zararli qoldiq moddalar miqdorini kamaytiradi, vitaminlar, mineral moddalar va biologik faol birikmalar miqdorini esa nisbatan oshiradi. Shuningdek, organik usulda yetishtirilgan mahsulotlarning ta’mi, saqlanish muddati va ekologik xavfsizligi yuqori bo‘lishi aniqlangan. Maqola natijalari organik dehqonchilikni joriy etish va qishloq xo‘jaligida barqaror rivojlanishni ta’minlashda muhim ilmiy-amaliy ahamiyatga ega.