Oliy o‘quv yurtlarida xalq qo‘shiqlarini o‘qitishning innovatsion metodlari

Mazkur maqolada oliy o‘quv yurtlarida xalq qo‘shiqlarini o‘qitishda innovatsion metodlardan foydalanishning nazariy va metodik asoslari tahlil qilinadi. Tadqiqotda xalq qo‘shiqlarining milliy madaniyat, estetik tarbiya va kasbiy musiqiy ta’limdagi o‘rni ochib berilib, ularni o‘qitishda zamonaviy pedagogik yondashuvlarning ahamiyati asoslanadi. Interaktiv, kompetensiyaga asoslangan, loyiha va multimedia texnologiyalariga tayangan metodlar xalq qo‘shiqlarini chuqur o‘zlashtirish, talabalar ijodiy tafakkuri va musiqiy tahlil ko‘nikmalarini rivojlantirish vositasi sifatida ko‘rib chiqiladi. Maqolada innovatsion metodlar orqali an’anaviy ijrochilik maktablarini saqlab qolish va ularni zamonaviy ta’lim muhiti bilan uyg‘unlashtirish imkoniyatlari yoritiladi. Tadqiqot natijalari innovatsion yondashuvlar oliy ta’limda xalq qo‘shiqlarini o‘qitish samaradorligini oshirishini ilmiy jihatdan tasdiqlaydi.