Vokal o‘qitishda kreativ o‘yin texnologiyalaridan foydalanish

Maqolada oliy va o‘rta maxsus ta’lim muassasalarida vokal o‘qitishda kreativ o‘yin texnologiyalaridan foydalanish nazariy va metodik jihatlari tahlil qilinadi. Kreativ o‘yinlar talabaning ijodiy tafakkurini rivojlantirish, sahnadagi erkinlikni oshirish va vokal texnikani mustahkamlashda samarali vosita sifatida qaraladi. Tadqiqotda o‘yin metodlarining psixologik, pedagogik va texnik afzalliklari yoritiladi, jumladan: vokal mashqlarni o‘yin shaklida tashkil etish, audio-video tahlil orqali refleksiya, guruhli o‘yinlar orqali ijodiy raqobatni rag‘batlantirish. Shuningdek, maqolada kreativ o‘yin texnologiyalarini dars jarayoniga integratsiya qilish, talabaning motivatsiyasini oshirish va o‘z ijrosini mustaqil baholash imkoniyatlarini yaratish yo‘llari keltiriladi. Tadqiqot natijalari vokal o‘qitish jarayonining samaradorligini oshirish va innovatsion pedagogik yondashuvlarni joriy etish uchun ilmiy-metodik asos beradi.