Zamonaviy hayotimizda naqqoshlik milliylik omili

Mazkur maqolada naqqoshlik sanʼatining milliy o‘zlikni ifodalovchi muhim madaniy hodisa sifatidagi o‘rni ilmiy-nazariy jihatdan tahlil qilinadi. Unda naqsh va ornamentlarning shakllanish jarayoni, ularning tarixiy ildizlari hamda xalqimizning maʼnaviy dunyoqarashi, eʼtiqodi va estetik tafakkuri bilan uzviy bogʻliqligi yoritiladi. Shuningdek, ajdodlarimiz tomonidan yaratilgan meʼmoriy obidalar va amaliy sanʼat namunalari misolida naqqoshlik sanʼatining yuksak taraqqiyot bosqichlari asoslab beriladi. Maqolada naqshlarning ramziy maʼnolari, ranglar uygʻunligi va kompozitsion qonuniyatlari orqali milliy tafakkur hamda tarixiy xotiraning aks etishi ochib berilgan. Kalit soʻzlar: naqqoshlik sanʼati, milliy naqsh, ornament, ranglar uygʻunligi, goʻzallik, estetik tafakkur, islimiy naqsh, girih (grixli) naqsh, ramziylik, amaliy-bezak sanʼati