Chizmachilik darslarida tutashmalarni formulaviy va vizual-mnemonik yondashuv asosida o‘rgatish metodikasi

Mazkur maqolada chizmachilik darslarida tutashmalar mavzusini o‘rgatish jarayonida uchraydigan metodik muammolar tahlil qilinadi va ularni bartaraf etishga qaratilgan innovatsion yondashuv taklif etiladi. Tutashmalarni chizishda talabalar tomonidan ko‘p uchraydigan xatolar, xususan tutashma yoyining markazini aniqlash hamda tashqi va ichki tutashmalarni farqlashdagi qiyinchiliklar asoslab beriladi. Maqolada tutashmalarni formulaviy mantiqqa tayangan holda, shu bilan birga vizual-mnemonik assotsiatsiyalar orqali tushuntirish metodikasi yoritilgan. Taklif etilayotgan yondashuv chizmachilik fanini o‘qitishda mavzuni sodda, tushunarli va esda qolarli tarzda o‘zlashtirishga xizmat qiladi hamda talabalarning amaliy mashg‘ulotlardagi faolligi va bilimlarining mustahkamligini oshirishga imkon yaratadi.