Transformatsion jarayonlarning ingliz tili sintaksisidagi o‘rni va ahamiyati

Mazkur maqolada transformatsion jarayonlarning ingliz tili sintaksisidagi o‘rni va ahamiyati nazariy hamda amaliy jihatdan tahlil qilinadi. Transformatsion grammatika doirasida chuqur va yuzaki tuzilma tushunchalari asosida gaplarning hosil bo‘lish mexanizmi yoritiladi. Ingliz tilida so‘roq, inkor, majhul nisbat, nisbiy va ergash gaplarning shakllanishi transformatsion qoidalar orqali izohlanadi. Maqolada harakat (movement), qo‘shimcha element kiritish (insertion), tushirish (deletion) va o‘rin almashtirish kabi sintaktik jarayonlarning struktur modeldagi roli ko‘rsatib beriladi. Shuningdek, transformatsion yondashuvning generativ grammatika bilan bog‘liqligi hamda uning universal grammatika nazariyasidagi o‘rni tahlil qilinadi.