Puflama cholg‘ularni o‘rgatish metodikasining nazariy jihatlari (BMSM o‘quvchilari uchun)

Mazkur ilmiy ishda Bolalar musiqa va san’at maktablari (BMSM) sharoitida puflama cholg‘ularni o‘rgatish metodikasining nazariy jihatlari ilmiy faktlar asosida tahlil qilinadi. Tadqiqotda musiqa ta’limi nazariyasi, pedagogika va didaktika tamoyillari asosida puflama cholg‘ularni o‘qitishning metodik yondashuvlari yoritiladi. Ishda o‘quvchilarning yosh, psixologik va fiziologik xususiyatlari, musiqa ta’limining estetik, amaliy va tarbiyaviy maqsadlari hisobga olinadi. Metodikaning samarali amalga oshirilishi uchun onglilik va faollik, izchillik va tizimlilik, nazariya va amaliyot birligi, individual yondashuv, ko‘rgazmalilik va ijodiy rivojlanish kabi didaktik tamoyillarning ahamiyati ilmiy asosda asoslab beriladi. Ish natijalari BMSM musiqa o‘qituvchilari, metodistlar va pedagoglar uchun nazariy hamda amaliy ahamiyatga ega.