Bolalar musiqa ta’limida puflama cholg‘ularni o‘qitishning nazariy konsepsiyasi

Ushbu ilmiy ishda bolalar musiqa ta’limida puflama cholg‘ularni o‘qitishning nazariy konsepsiyasi ilmiy asosda tahlil qilinadi. Tadqiqotda puflama cholg‘ularni o‘qitish jarayoni pedagogika, didaktika va musiqa ta’limi nazariyasi asosida ko‘rib chiqiladi. Ishda o‘quvchilarning yosh, psixologik va fiziologik xususiyatlari, ijrochilik malakasi, musiqiy tafakkur va estetik didni shakllantirish bilan bog‘liq masalalar yoritiladi. Metodologik jihatdan konsepsiya didaktik tamoyillarga tayangan: onglilik va faollik, izchillik va tizimlilik, nazariya va amaliyot uyg‘unligi, individual yondashuv, ko‘rgazmalilik va ijodiy rivojlanish. Tadqiqot natijalari BMSM o‘qituvchilari, musiqa pedagoglari va metodistlar uchun nazariy hamda amaliy ahamiyatga ega bo‘lib, musiqa ta’limi jarayonining samaradorligini oshirishga xizmat qiladi.